లక్కీ డ్రా లో గణపతి లడ్డు ను దక్కించుకున్న కౌన్సిలర్ కూతురు.
సుల్తానాబాద్,సెప్టెంబర్16(కలం శ్రీ న్యూస్):
లక్కీ డ్రా లో గణపతి లడ్డు ను దక్కించుకున్న 10 వ వార్డు కౌన్సిలర్ అనుమాల అరుణ- బాబురావు కూతురు అనుమాల దివ్య శ్రీ.పూర్తి వివరాలలోకి వెళితే పెద్దపల్లి జిల్లా సుల్తానాబాద్ మున్సిపాలిటీ 10 వ వార్డు లో గాంధీనగర్ గణేష్ యూత్ క్లబ్,ఆదర్శ యూత్ క్లబ్ ఆధ్వర్యంలో గత 46 సంవత్సరాలు గా గాంధీనగర్ లో ఏకైకంగా ఏర్పాటు చేస్తున్న గణనాథుని మండపం లోని గణనాథుని మహా ప్రసాదం 25 కిలోల లడ్డు ను ఈ ఏడాది లక్కీ డ్రా లో 5800 మంది పాల్గొనగా, సుమారు 300 పైగా సమక్షంలో, సుమారు గంటన్నర కు పైగా సమయంలో ఉత్కంఠ భరితంగా జరిగిన లక్కీ డ్రా లో 10 వ వార్డు కౌన్సిలర్ అనుమాల అరుణ బాబురావు కూతురు దివ్య శ్రీ కి ఆ గణనాథుని మహా ప్రసాదం 25 కిలోల లడ్డు ప్రసాదం దక్కింది.5800 మందిలో తమకు లడ్డు ప్రసాదం దక్కడం తో అరుణ బాబురావు కుటుంబం సంతోషం వ్యక్తం చేశారు.లడ్డు ప్రసాదం దక్కడం తో పలువురు అరుణ బాబురావు లకు శుభాకాంక్షలు తెలిపారు. ప్రతి గ్రామంలో ఒక్కో వాడలో రెండు,మూడు వినాయక మండపాలు ఏర్పాటు చేస్తుండగా కానీ గత 46 సంవత్సరాలు గాంధీనగర్ లో అందరూ ఐకమత్యం తో ఏకైక (ఒకే ఒక్క)మండపం ఏర్పాటు చేసుకొని ఆదర్శానికే ఆదర్శంగా నిలుస్తున్నారు ఆదర్శ యూత్ క్లబ్ అని పలువురు కొనియాడుతున్నారు.