క్రికెట్ విజేతలకు బహుమతులు ప్రధానం చేసిన జీవన్ రెడ్డి, లక్ష్మణ్ కుమార్ లు
జగిత్యాల ఏప్రిల్ 9 (కలం శ్రీ న్యూస్):జగిత్యాల జిల్లా ఎండపల్లి మండలం కొండాపూరు గ్రామంలో తాటిపర్తి తిరుపతి రెడ్డి స్మారకార్థం శైలేందర్ రెడ్డి ఆధ్వర్యం లో నిర్వహించిన క్రికెట్ టోర్నమెంట్ విజేతలకు బహుమతి ప్రధానోత్సవ కార్యక్రమం ఆదివారం నిర్వహించారు.
మొదటి స్థానంలో విజయం సాధించిన గొల్లపల్లి జట్టుకు ముప్పై వెయిల రూపాయలు, జ్ఞాపిక. ద్వితీయ స్థానంలో విజయం సాధించిన కొండాపూరు జుట్టుకు పదిహేను వెయిల రూపాయలు, జ్ఞాపిక లను ఎమ్మెల్సీ తాటిపర్తి జీవన్ రెడ్డి, జగిత్యాల డీసీసీ అధ్యక్షుడు అడ్లూరి లక్ష్మణ్ కుమార్ లు విజేతలకు బహుమతుల బహూకరించారు.
ఈ సందర్భంగా ఎమ్మెల్సీ జీవన్ రెడ్డి మాట్లాడుతూ పోటీ అన్నాక గెలుపు ఓటములు సహజమని ఓడిపోయామని కుంగిపోకుండా పట్టుదలతో మరిత కష్టపడాలని క్రీడాకారులు ఇదే స్ఫూర్తితో ముందుకు వెళ్లాలని ధైర్యం నింపారు. ఈ ప్రాంత క్రీడా కారులను ప్రోత్సహించడంలో అన్ని విధాలా అండగా ఉంటామని డీసీసీ అధ్యక్షుడు అడ్లూరి లక్ష్మణ్ కుమార్ అన్నారు.
ఈ కార్యక్రమం లో కాంగ్రెస్ పార్టీ వెల్గటూరు మండల అధ్యక్షుడు తాటిపర్తి శైలెందర్ రెడ్డి, కొండాపూరు సర్పంచ్ రాజవ్వ, ఉప సర్పంచ్ కుమార స్వామి, వైద్యులు గురువా రెడ్డి, మాజీ సర్పంచ్ రాజిరెడ్డి, గొల్ల పల్లి సర్పంచ్ నిశాంత్ రెడ్డి, కొత్తపేట సర్పంచ్ కొమ్ము రాంబాబు, పాతగూడూరు సర్పంచ్ కొంగల జగదీశ్వర్ రెడ్డి, ఎంపీటీసీ జాడి సుజాత, కోటిలింగాల దేవాలయం చైర్మన్ పదిరే నారాయణరావు, వెల్గటూరు సర్పంచ్ మెరుగు మురళి గౌడ్, ఎంపీటీసీ మంజుల, మ్యాకల సంతోష్ యాదవ్ తదితరులు పాల్గొన్నారు.