గణేష్ నగర్ కాలనీలో ఘనంగా సామూహిక కుంకుమార్చన పూజ..
సుల్తానాబాద్,సెప్టెంబర్13(కలం శ్రీ న్యూస్):
గణేష్ నగర్ ఉత్సవ కమిటీ ఆధ్వర్యంలో శుక్రవారం గణపతి నవరాత్రుల సందర్భంగా సుల్తానాబాద్ మండల కేంద్రంలోని గణేష్ నగర్ కాలనీలో గణనాథుడికి పురోహితుడు గూడ రమేష్ శర్మ పంచామృత అభిషేకం, అర్చన, గణపతి అష్టోత్తర శతనామావళి అనంతరం మహిళలచే అత్యంత భక్తిశ్రద్ధలతో లక్ష్మీదేవి ప్రతిమకు పూలు, పండ్లు, తమలపాకులు, కుడుకలు, గాజులు, తదితర పూజా సామాగ్రితో అలంకరింపజేసి సహస్ర పారాయణం చేయిస్తూ ఘనంగా సామూహిక కుంకుమార్చన పూజా కార్యక్రమం నిర్వహించారు. అనంతరం భక్తులకు మాటేటి శ్రీనివాస్, చెరుకుపల్లి రఘు, నల్ల శ్రీనివాస్ దంపతులు అన్నవితరణ చేశారు.
ఈ సందర్భంగా పురోహితులు మాట్లాడుతూ..మంగళకరమైన ద్రవ్యాలలో కుంకుమకు ఎంతో ప్రాధాన్యం ఉన్నదని ఈ కుంకుమతో అమ్మవారిని అర్పించడం విశేష ఫలదాయకమని కుంకుమ యొక్క విశిష్టతను తెలిపారు.
ఈ కార్యక్రమంలో ఉత్సవ కమిటీ బాధ్యులు భూమేష్ కుమార్, శ్రీరాములు, హరి కిషన్, రాజు, లింగయ్య, యాదగిరి, రమేష్, అశోక్, సమ్మయ్య, సంపత్, శంకరయ్య, వెంకటేశం, నవీన్, సతీష్, రవీందర్ పెద్ద సంఖ్యలో మహిళా భక్తులు పాల్గొన్నారు.