అయ్యప్ప స్వామి దేవాలయంలో ఘనంగా అభిషేక మహోత్సవం
సుల్తానాబాద్,డిసెంబర్11(కలం శ్రీ న్యూస్):
సుల్తానాబాద్ మండల కేంద్రంలోని నీరుకుల్ల రోడ్డులో కొలువున్న శ్రీ శ్రీ శ్రీ ధర్మశాస్త్ర అయ్యప్ప స్వామి దేవాలయంలో బుధవారం స్వామివారి మూల విరాట్టుకు ఆలయ కమిటీ ఆధ్వర్యంలో ఘనంగా అభిషేక మహోత్సవాన్ని నిర్వహించారు.
ఈ సందర్భంగా అర్చకులు సుంపటం కార్తీక్ ఆచార్యుల సారధ్యంలో అయ్యప్ప స్వామి నామస్మరణ, సంకీర్తనలతో శరణు ఘోష చేస్తూ స్వామివారికి పంచామృత సహిత ఫలాభిషేకం, అలంకారం, పుష్పార్చన, ధూప దీప నైవేద్యం, మహా హారతి, మంత్రపుష్పం గావించిన అనంతరం భక్తులకు ఆశీర్వాదం, తీర్థప్రసాద వితరణ చేశారు.
ఈ కార్యక్రమంలో అధిక సంఖ్యలో భక్తులు, అయ్యప్ప మాలాధారులు, దేవాలయ అభివృద్ధి కమిటీ సభ్యులు పాల్గొన్నారు.