మంథని కవి గాయకునికి ఘన సన్మానం
మంథని రిపోర్టర్/నాంపల్లి శ్రీనివాస్
మంథని,మార్చి 23(కలం శ్రీ న్యూస్):మంథని కవి,గాయకుడు గట్టు కృష్ణమూర్తిని రామగుండం ఎమ్మెల్యే కోరుకంటి చందర్ ఘనంగా సత్కరించి సన్మానించారు. ఉగాది పర్వదిన సందర్భంగా రామగుండం ఎమ్మెల్యే క్యాంపు కార్యాలయంలో నిర్వహించిన కవి సమ్మేళనం కార్యక్రమంలో మంథని పట్టణానికి చెందిన గట్టు కృష్ణమూర్తి, గుడిపాక శ్రీహరి పాల్గొన్నారు. ఈ కవి సమ్మేళనం కార్యక్రమంలో గట్టు కృష్ణమూర్తి రాష్ట్ర అభివృద్ధి పథకాలను వర్ణిస్తూ రాసిన కవిత అందరిని విశేషంగా ఆకర్షించిందని ఎమ్మెల్యే కోరకంటి చందర్ ప్రత్యేకంగా అభినందనలు తెలిపారు. కార్యక్రమంలో భాగంగా గట్టు కృష్ణమూర్తిని ఘనంగా శాలువాతో సన్మానించి, సత్కరించి అవార్డు అందజేశారు.