వేణు ఎల్దండి నెక్ట్స్ సినిమాను ఓస్టార్ హీరోతో చేయ‌బోతున్నార‌ట…!
హైదరాబాద్,మే14(కలం శ్రీ న్యూస్): బ‌ల‌గం వంటి ఫ్యామిలీ ఎంట‌ర్‌టైన‌ర్‌తో సెన్సేష‌న‌ల్ బ్లాక్ బస్టర్ అందుకున్న ద‌ర్శ‌కుడు వేణు ఎల్దండి నెక్ట్స్ కూడా దిల్ రాజు ప్రొడ‌క్ష‌న్స్‌లోనే చేస్తార‌నే వార్త‌లు హ‌ల్ చేస్తోన్న సంగ‌తి తెలిసిందే. సినిమాల్లో, జ‌బ‌ర్ద‌స్ కామెడీ షోలో ప్రేక్ష‌కుల‌ను న‌వ్వించిన క‌మెడియ‌న్ వేణు. నటుడిగా అందరికీ సుపరిచితుడైన వేణులో మరో కోణం రీసెంట్‌గానే వెలుగులోకి వ‌చ్చింది. అదే డైరెక్ష‌న్‌. ఆయ‌న మెగాఫోన్ ప‌ట్ట‌ట‌మే కాదు.. సెన్సేష‌న‌ల్ బ్లాక్ బస్టర్ కొట్ట‌టంతో ఇప్పుడు వేణు ఎల్దండి పేరు టాలీవుడ్‌లో మారుమోగుతోంది. వేణు ఎల్దండి తెర‌కెక్కించిన సినిమా బ‌ల‌గం. క‌మ‌ర్షియ‌ల్‌గా ఈ సినిమా బ్లాక్ బస్టర్ కావ‌ట‌మే కాదు.. అవార్డుల ప‌రంగానూ స‌త్తా చాటుతోంది. అంత‌ర్జాతీయంగా ఇప్ప‌టికే ఎన్నో ఫిల్మ్ ఫెస్టివ‌ల్స్‌లో బ‌ల‌గం సినిమాకు అవార్డులు వ‌చ్చాయి. దిల్ రాజు వార‌సులు హ‌ర్షిత్, హన్షిత‌లు ఈ సినిమాను నిర్మించిన సంగ‌తి తెలిసిందే.
బ‌ల‌గం సినిమా త‌ర్వాత వేణు ఎల్దండి దిల్ రాజు ప్రొడ‌క్ష‌న్స్‌లోనే సినిమా చేస్తున్నాడు. ఈ విష‌యాన్ని ఇటు దిల్ రాజు, అటు వేణు ఇద్ద‌రూ క‌న్‌ఫ‌ర్మ్ చేశారు. అయితే తాజాగా ఈ సినిమాకు సంబంధించి మరో వార్తొక‌టి నెట్టింట వైర‌ల్ అవుతుంది. అదేంటంటే.. వేణు ఎల్దండి నెక్ట్స్ సినిమాను ఓస్టార్ హీరోతో చేయ‌బోతున్నార‌ట. ఆ స్టార్ హీరో ఎవ‌రో కాదు.. నందమూరి బాల‌కృష్ణ అని టాక్ బ‌లంగా వినిపిస్తోంది. కంటెంట్ బావుంటే చాలు బాల‌య్య‌కి. కొత్త, పాత అనేం చూడ‌డు. డైరెక్ట‌ర్‌ని ఇబ్బంది కూడా పెట్ట‌రు. త‌ను చెప్పింది చేసుకుంటూ వెళ్లిపోతారు.
దిల్ రాజు కూడా ఎప్ప‌టి నుంచి బాల‌కృష్ణ‌తో సినిమా చేయాల‌ని వెయిట్ చేస్తున్నారు. ఇదే క్ర‌మంలో వేణు ఎల్దండితో క‌థ చెప్పించార‌ని ఆయ‌న కూడా గ్రీన్ సిగ్న‌ల్ ఇచ్చార‌ని అంటున్నాయి సినీ స‌ర్కిల్స్‌. ప్ర‌స్తుతం అనీల్ రావిపూడితో బాల‌కృష్ణ సినిమా చేస్తున్నారు. అది పూర్తి కాగానే బోయ‌పాటి శ్రీనుతో సినిమా ఉంటుంద‌నే వార్త‌లు వినిపిస్తున్నాయి. అయితే ఈ గ్యాప్‌లోనే వేణు ఎల్దండి సినిమాను నందమూరి హీరో పూర్తి చేస్తార‌నే టాక్ గ‌ట్టిగా చ‌క్కర్లు కొడుతోంది మ‌రి. మ‌రి ఇందులో నిజానిజాలు తెలియాలంటే కొన్నాళ్లు ఆగాల్సిందే.